Arslan.mn

Сангийн сайд асан С.Баярцогт оффшорын асуудлаар тайлбар өглөө.

ШУУД ҮЗЭХ: 

Тэрбээр "УИХ-ын гишүүн Т.Аюурсайханы яриад байгаа оффшор данс 2013 онд хаагдсан. Швейцарын талаас ямар ч материал өгөөгүй. Энэ материалыг албан бусаар АТГ-аас өгсөн байж магадгүй. АТГ-ын нэг хийж чадаагүй ажил нь Швейцараас материал авч ирээд миний АТГ-д өгсөн материалтай харьцуулж, таарч байна уу гэдгийг нотолж чадаагүй.

АТГ өмнө нь Швейцарийн банкнаас миний материалыг авах хүсэлт гаргахад нь өгөөгүй юм байна лээ. Миний зүгээс өөрт буй бүх материалаа АТГ-т гаргаж өгсөн. Одоо АТГ үнэн мөнөөр нь шийдэх байх гэдэгт итгэж байна.

Оффшор дансны материалыг хараагүй байж Т.Аюурсайхан гишүүн их мэдэмхийрч ярьж байна. Швейцарын тал миний мэдээллийг нааш нь өгүүлэх гэж байсан.

Цаг хугацааны хувьд Швейцарын талаас өгсөн материалыг энэ хэд авчирсан болж таарч байна. Банк бол хэзээ ч хүний  материалыг хэн хамаагүй хүнд өгөхгүй.

Т.Аюурсайхан Швейцарын талаас өгсөн дипломат шууданг задлаж уншсан, эсвэл өгсөн хүн нь С.Баярцогттой холбоотой бичиг баримт гэж хэлсэн байх.

Би албан тушаалаа өөрийнхөө хүсэлтээр өгсөн. Яагаад гэвэл би Швейцарт байсан дансаа хөрөнгө орлогын мэдүүлэгтээ оруулаагүй байсан. 2013 онд Швейцарт байсан данс хаагдсан. " хэмээн ярилаа.