Arslan.mn

Ерөнхийлөгч асан Ц.Элбэгдорж өнөөдөр тусгаарлалтаас гарна. Тэрээр энэ сарын 3-ны өдөр Токио-Улаанбаатарын чиглэлийн тусгай үүрийн нислэгээр эх орондоо ирсэн юм.

КОВИД 19-өөс сэргийлэх зорилгоор хилийн чанадаас ирсэн иргэдийг 21 хоногийн турш зочид буудлуудад тусгаарласан. Харин Ц.Элбэгдоржийг Баянгол дүүрэг дэх Tokyo Inn-д тусгаарласан юм.

Тэрээр дахин  14 хоног гэрийн хорионд байж, гадагш гарахгүй, гэртээ хүн урихгүй байх үүрэгтэй.

Улсын онцгой комиссын 2020 оны гуравдугаар сарын 26-ны 14 дүгээр хуралдаанаар шинэ коронавируст халдварын тархалтаас урьдчилан сэргийлэх, эрсдэлийг бууруулах, хяналтыг сайжруулах зорилгоор халдварын голомт бүхий гадаад улс орнуудаас захиалгат нислэгээр ирсэн иргэдийг тусгаарлах байранд ажиглах хугацааг 21 хоног болгон сунгаж шийдвэрлэсэн.

Тиймээс АТГ-т шалгуулах ёстой экс Ерөнхийлөгч маань тусгаарлалт, ажиглалтын 21 хоногийг цонхон доороо дуу дуулуулж, ёстой нэг тааваараа өнгөрүүлж байна. Одоо түүнд эрх чөлөө ямар үнэтэй санагдаж байгааг таашгүй. Цаг явсаар. Хонхны дуу хонгилын дагуу жингэнэнэ…

Ташрамд хэлэхэд АТГ-ын Хэвлэл мэдээлэл, олон нийттэй харилцах асуудал хариуцсан ахлах ажилтан, ахлах комиссар Т.Баярхүүгийн мэдээлснээр “Монгол Улсын иргэн Цахиагийн Элбэгдоржийг Эрүүгийн хуулийн ерөнхий ангийн 1.8-1, 2002 оны Эрүүгийн хуулийн ерөнхий ангийн 35.6 дахь хэсэгт заасныг журамлан мөн хуулийн 263 дугаар зүйлийн 263.2 дахь хэсэгт зааснаар нийслэлийн Прокурорын газар (НПГ)-аас энэ оны нэгдүгээр сарын 30-нд эрүүгийн хэрэг үүсгэн яллагдагчаар татсан билээ.