Arslan.mn

Ардчилсан намаас өнөөдөр мэдээлэл хийсэн бөгөөд Үндэсний бодлогын хорооны хурлаараа УИХ-ын 18, 28 дугаар тойрогт болох нөхөн сонгуульд Б.Гарамгайбаатар, Э.Бат-Үүл нарыг нэр дэвшүүлэх болсон талаараа танилцууллаа. 

АН-ын дэд дарга Р.Эрдэнэбүрэн: 

“Бид УИХ-д сөрөг хүчний дуу хоолойг хамгийн хүчтэй гаргаж чадах хүнийг нэр дэвшүүлэхээр болсон. УИХ-ын сонгуулийн 28 дугаар тойрогт Э.Бат-Үүлийг, 18 дугаар тойрогт Б.Гарамгайбаатарыг нэр дэвшүүлж байна.

Манай нэр дэвшигчидтэй холбоотой хөгшин, залуу гэдэг шүүмжлэл гарч байна. Үүнийг бид буруу үзэж байгаа. Нам бол улс төрийн үзэл бодлоороо нэгддэг байгууллага. 

Хоёрдугаарт, манай намын лидерүүд болох Э.Бат-Үүл, Н.Алтанхуяг нарыг та бүхэн мэдэх байх. Биологийн нас нь 60-тай ч МАН-ын 30-тай залуусын дэргэд сэтгэлгээ, бие физиологийн хувьд илүү. Би саяхан сайд асан С.Баярцогттой уулзсан. Бие хаа нь 25-тай хүнээс илүү нөхөр гүйж явна билээ. Тиймээс нас ярих асуудалд АН оролцоод байх шаардлагагүй гэж үзэж байна” гэв.