Arslan.mn

УИХ-ын гишүүн Б.Чойжилсүрэн дархан цаазат газарт, ямар ч зөвшөөрөлгүй 18 давхар 16 блок орон сууцны хорооллыг сүндэрлүүлэхээр барилгын ажлаа эхлүүлжээ.

Гишүүний зүгээс наадмын амралтын 9 хоногийг ашиглан барилгын ажлаа нэлээн явуулж байгаад БОАЖЯ, Нийслэлээс зөвшөөрлөө хөөцөлдөнө хэмээн ярьж суугаа гэнэ.

Тэгвэл УИХ-ын гишүүн Б. Чойжилсүрэнгийн ээлжит хууль бус үйлдлийг баримттай хүргэе!

УИХ-ын гишүүн Б.Чойжилсүрэнгийн  "Говь ресурс хийл" компани нь Хан-Уул дүүргийн 11 дүгээр хорооны нутаг дэвсгэрт Богд уулын дархан цаазат газарт харьяалагдах Ар зайсангийн ам буюу Дугуй цагааны яг чанх хойно 18 давхар 16 блок орон сууцны хорооллыг босгохоор хууль бусаар барилгын ажлыг эхлүүлжээ. Өөрөөр хэлбэл Нийслэл, харьяа яамнаас ямар ч зөвшөөрөлгүй дур мэдэн нууцаар барилгын ажлыг хэдийн эхлүүлж, өдөр шөнөгүй ажиллаж байгаа аж.

Уг Ар зайсангийн аманд байрлах 8.8 га газрыг 2019 онд аялал жуулчлалын зориулалттай ашиглана хэмээн Нийслэлээс “А” даалгавараа авч, зөвшөөрөл гаргуулсан байдаг.

Гэтэл “А” даалгаварынх нь хоёр жилийн хуулийн хугацаа нь хэдийн дуусаж, өнөөдөр зөвшөөрөлгүйгээр орон сууц барихаар ийнхүү ажиллаж байна.

 Хурд группийн охин компани гэгддэг "Говь ресурс хийл" компани 8.8 га газартаа 2021 онд 3 давхар “Хүмүүн” сургуулийг барьжээ. Гэхдээ тус сургууль нь нийт газрын 10 орчим хувьд ч хүрэхгүй талбайд нь барьсан байдаг. Харин үлдсэн га газруудад аялал жуулчлалын бус, зөвшөөрөлгүй орон сууцны хороолол барьж байгаа нь Монголын хуулийг уландаа гишгэдэг, эцэс төгсгөлгүй шуналынхаа төлөө эрх мэдлээ урвуулан ашигладагийн нэг жишээ юм.

Хотын дарга Д.Сумьяабазар дугуй цагааны тохижилтын ажлыг шалгах үеэрээ 2 ч удаа тус барилгын хажуугаар явсан байдаг. Гэтэл Б.Чойжилсүрэнгийн зөвшөөрөлгүй барилгыг дуугүй хүлээн зөвшөөрч, далдуур дэмжээд байгаа нь ямар нэгэн ашиг сонирхолынх уу?!

БОАЖ-ийн сайд Б.Бат-Эрдэнэ, Нийслэлийн засаг дарга Д.Сумьяабазар нар дархан цаазат газарт 2000 гаруй айлын орон сууцны хороолол ямар ч зөвшөөрлөө аваагүй, дур зоргоороо барьж, саяханаас эхлэхэд нь яагаад далдуур дэмжээд байна вэ?