Arslan.mn

Монгол Улсын хувьд эдийн засгийн нөхцөл байдал амаргүй хүнд үеэ туулж буй. Гэтэл нөлөө бүхий албан тушаалтнууд, эрх мэдэлтнүүд нь ард иргэдээсээ далдуур хэдэн зуун саяар нь нэг, нэгнээ шагнан урамшуулж байгаа талаар олон факт, баримтууд гарсаар. Мэдээж тэд хувиасаа биш татвар төлөгчдийн, төсвийн мөнгөөр туйлж байна. 

Өнөөдөр бас нэгэн баримтыг дэлгэж байна.

Уг баримт нь Монголбанкны Ерөнхийлөгч Б.Лхагвасүрэн нууц шийдвэр гарган М.Мөнх-Өлзий, нэр бүхий хүмүүст Капитал банкны хөрөнгөнөөс тус бүрт нь 200 сая төгрөгийг урамшуулал болгон олгосон явдал юм.  Уг шийдвэрээ дотооддоо ч нууцалсан нь хардах үндэслэл болж байгаа юм. 

Уг хэргийг тодруулбал, Монголбанкинд ажилладаг М.Мөнх-Өлзий нар нь Капитал банкинд эрх хүлээн авагчаар ажиллаж байгаа өнгөрсөн 2022 оны дундуур буцаад Монголбанкиндаа ажиллаж эхэлжээ. Тухайн үед Монголбанкны Ерөнхийлөгч Б.Лхагвасүрэн шийдвэр гарган М.Мөнх-Өлзий нарт тус бүрт нь 200, 200 сая төгрөгийн урамшууллыг олгосон аж. Уг урамшууллыг Капитал банкны хөрөнгөнөөс авсан аж. 

Б.Лхагвасүрэн уг шийдвэрээ дотооддоо ч төдийгүй ихэд нууцалсаар байгаа талаар тухайн банкны эх сурвалжууд хэлж байв. М.Мөнх-Өлзий нь Гадаадын Иргэний Харьяатын газрын дарга Д.Мөрөнгийн хүүхэд бөгөөд 2015 оноос эхлэн Монголбанкинд ажиллаж байгаа.

Гэхдээ бодит байдал дээр Монголбанкны Ерөнхийлөгч Б.Лхагвасүрэн нь 600 сая төгрөгийн урамшууллыг олгосон байх магадлалтай хэмээн дотоод эх сурвалжаас нь хэлж буй. 

Улмаар уг урамшууллын талаар М.Мөнх-Өлзий нарын Хөрөнгө орлогын мэдүүлгээс харж болно. 

Тухайлбал, Мөрөнгийн Мөнх-өлзий нь 2019 онд Монгол банкнаас капитал банкний эрх хүлээн авагчийн зөвлөлийн гишүүнээр ажилласан бөгөөд тэрээр 2017 оноос хойш Монголбанканд Хянан шалгагч хийж байгаа. 2017 онд мэдүүлэг гаргагчийн өөрийн орлого 32,445,440 төг байсан бол 2018 онд 121,264,480 болж өссөн байна. Харин Монголбанкны Ерөнхийлөгчийн 2019 оны 4 дүгээр сарын 08-ны өдрийн А-96 дугаар тушаалаар “Капитал банк” ХХК-ийг албадан татан буулгах шийдвэр гарч, Банкны эрх хүлээн авагчаар М.Мөнх-Өлзий томилогдсон бөгөөд тус онд мэдүүлэг гаргагчийн орлого 355,466,490 болж нэмэгджээ.

Эдийн засгийн хүнд үед ард иргэд нь бүсээ чангалан, өдөр хоногоо өнгөрөөж байхад Монголбанк нь урамшууллыг ганц нэг хүнд хэдэн зуун саяар нь олгоод байгаа нь хэр шударга вэ?! 

Үргэлжлэл бий ...