Т.Аюурсайханыг УИХ-ын дэд даргын “СУУДЛААС НЬ ЧӨЛӨӨЛЛӨӨ“

Монгол Улсын Ерөнхий сайд Л.Оюун-Эрдэнэ Монгол Улсын Үндсэн хуулийн Гучин есдүгээр зүйлийн 4 дэх хэсэг, Монгол Улсын Засгийн газрын тухай хуулийн 21 дүгээр зүйлийн 5 дахь хэсэг, 23 дугаар зүйлийн 1 дэх хэсгийн 2 дахь заалтыг үндэслэн бүрэн эрхийнхээ хүрээнд Монгол Улсын Засгийн газрын гишүүн, Хөдөлмөр, нийгмийн хамгааллын сайдаар Төмөрбаатарын Аюурсайханыг томилсон.

Шинээр томилогдсон сайд энэ сарын 21-ны өдөр /2022.10.21/ тангаргаа өргөж, Монгол Улсын сайд, Засгийн Газрын Хэрэг Эрхлэх газрын дарга Д.Амарбаясгалангаас тамгаа гардан авсан билээ.

Тэгвэл өнөөдрийн УИХ-ын нэгдсэн хуралдааны үеэр Т.Аюурсайханыг УИХ-ын дэд даргын албан тушаалаас чөлөөлөх эсэх асуудлыг хэлэлцлээ. Улмаар түүнийг гишүүдийн 74.5 хувийн саналаар УИХ-ын дэд даргын албан тушаалаас нь чөлөөллөө.

Мэдээнд өгөх таны үнэлгээ?