Arslan.mn

Нүүрсний олборлолт, тээвэрлэлт, экспорттой холбоотой Ерөнхий хяналтын сонсгол Төрийн ордонд болж байна.

Энэ үеэр иргэдийн төлөөлөл нүүрсний хулгайг илчлэх ёстой хүмүүс нь ба энэ сонсголд оролцоогүй байгааг шүүмжиллээ.

Тэрбээр "Бид энэ сонсголыг заавал хийх ёстой. Гэхдээ энэ нь өөрөө заавал ямар нэг үр дүнд хүрэх ёстой.

Сонсголыг үр дүнтэй болохын тулд байх ёстой хүмүүсийг нь байлга. Үндэсний аюулгүй байдлын зөвлөмж чинь хулгайн эх үүсвэр гэж сонссон. Тэр хүмүүсийг өнөөдрийн сонсголд оролцуулмаар байна. Мөн энэ хурлыг даргалж байгаа хүмүүст ядаж хулгайч биш гишүүдийг тавих ёстой.

Тухайлбал, УИХ-ын гишүүн Г.Ганболд Өвөрхангай аймгийн Баянтээгийн уурхай дээр нүүрсний ашиг сонирхолтой. УИХ-ын гишүүн С.Чинзориг гишүүн ч үүнд хамааралтай.

Нүүрсний хулгайчдаар хулгайнх нь талаар яриулна гэдэг ард түмнийг арай дэндүү доромжилсон үйлдэл. Энэ хэлэлцүүлэгт байх ёстой хүмүүсийг нь байлга. Яг тэр хулгай хийхэд оролцсон хүмүүсийг байлгах хэрэгтэй байхад ГЕГ-ын дарга асан Б.Асралт ч алга." гэв.