Arslan.mn

Авлигатай тэмцэх газраас нүүрсний хулгайн хэргээр мөрдөн шалгах ажиллагааг явуулж байгаа билээ. Тэгвэл Өмнөговь аймаг дахь МАН-ын дарга, "Эрхэт Монгол" ХХК-ийн үүсгэн байгуулагч Х.Мандахбаярыг нүүрсний хулгайн хэрэгт холбогдуулан шалгаж, гэр болон ажлын байранд нь нэгжлэг хийсэн талаар бид өмнө мэдээлсэн. 

Уг хэргийн мөрөөр өнгөрсөн шөнө АТГ-аас "Эрхэт Монгол" ХХК-ийн гүйцэтгэх захирал С.Мөнхзул, ерөнхий нягтлан Ч.Эрдэнэсувд, өмгөөлөгч Г.Батзаяа нарыг 48 цагийн хугацаатай саатуулсан байна. Энэ талаар албаныхнаас тодруулахад дэлгэрэнгүй мэдээлэл өгөх боломжгүй, мэдүүлэг байцаалт авч байгаа нь үнэн гэлээ. 

Х.Мандахбаярын хувьд нүүрсний хулгайн хэрэгт гэм буруутай нь хуулийн байгууллагаар нотлогдвол МАН-аас ч мөн хариуцлага тооцно гэдгийг ЗГХЭГ-ын дарга Д.Амарбаясгалан мэдэгдээд байгаа юм.