Х.Нямбаатар: Мета компанийн Азийг хариуцсан захирал Жорж Ченийг АЖЛААС НЬ ХАЛУУЛНА

Мета компанийн төв Ази, Хятад, Монгол Улсын олон нийтийн бодлого хариуцсан захирал Жорж Чен Олон нийтийн сүлжээнд хүний эрхийг хамгаалах тухай хуулийн талаарх байр сууриа өөрийн твиттер хаягтаа бичсэнтэй холбоотойгоор Хууль зүй, дотоод хэргийн сайд Х.Нямбаатар өнөөдөр тайлбар мэдээлэл өглөө.

Тэрбээр "Meta буюу “Facebook” компанийн Азийг хариуцсан захирал Жорж Чен гэх нөхрийг ажлаас нь халуулах албан бичгийг фэйсбүүкт хүргүүлнэ. Надтай уулзсан, арваннэгдүгээр сард ирж ажиллана гэснээ “It’s not true” гэсэн. Надтай нэг цаг 30 минут уулзсан протокол нь хүртэл байгаа. Улсын төрийн яамыг илтэд гүтгэж дайрах нь байж болшгүй үйлдэл.

Хоёрдугаарт, тус компани улс орны дотоод хэрэгт оролцох ёсгүй. Манай улсын зарим төрийн албан хаагчид руу дарамталсан мэйл явуулсан. Мөн надаас уучлалт гуй гэнэ. Хэрэв уучлал гуйхгүй бол шүүхэд хандана" гэв.

Мэдээнд өгөх таны үнэлгээ?