Arslan.mn

УИХ-ын гишүүн Т.Доржханд Хөгжлийн банкны хэргээр яллагдагчаар татагдсан албан тушаалтнуудад холбогдох хэргийг шүүхийн шатанд хаалттай хэлэлцэж, ял завшихаас сэргийлэх талаар мэдээлэв.

Тэрбээр "Маргааш Сүхбаатар дүүргийн Эрүүгийн хэрэг хянан шалгах анхан шатны шүүх Хөгжлийн банктай холбогдсон 80 яллагдагчийн хэргийг нэг дор шүүнэ. Зарим хүний өмгөөлөгчийн хүсэлтээр шүүх хурлыг хаалттай явуулах санал гаргасан байна. Шүүх энэ саналыг хүлээн авчээ. Хурлын үеэр эмзэг мэдээлэл бүхий  видео бичлэг үзүүлэх тул хаалттай явуулах болжээ. Хаалттай хурал явуулахыг эсэргүүцэж байна. Хэсэгчилсэн, хаалттай байдлаар шүүх хуралдах нь зөв.

Хөгжлийн банкны хугацаа хэтэрсэн, чанаргүй зээлтэй холбоотой нээлттэй сонсгол парламентын түвшинд нээлттэй болсон байтал шүүх хаалттай хуралдаж, зарим хүнд ял завших боломж олгож болзошгүй байна. Хөндлөнгийн шинжээчид нээлттэй сонсголын өмнө  нийт 3 сая гүйлгээг шалгасан. Энэ хэрэгт улс төрд нөлөө бүхий этгээдүүд холбогдсон гэдгийг дахин сануулъя. ХҮН-ын хуульчид маргааш болох хурлыг нээлттэй явуулахыг шаардаж байна.             

Бид Хөгжлийн банкны хойноос хоёр жил хөөцөлдлөө. Нээлттэй сонсголын үр дүнд бид бүгд ижил мэдээлэлтэй болсон. Бид шүүхэд нөлөөлөх гээгүй. Гэхдээ маргааш болох шүүх хурлаар 80 яллагдагчийн хэргийг нэг дор, бөөнд нь шийдэхгүй байх гэж найдаж байна. Шүүх ажил хийсэн мэт харагдахыг хичээхгүй болов уу" гэлээ.