ЧУУЛГАН: Н.Энхболд гишүүнийг Төрийн байгуулалтын байнгын хорооны ДАРГААР СОНГОВ

УИХ-ын чуулганы хуралдаанаар өчигдөр Төрийн байгуулалтын байнгын хорооны дарга Ж.Мөнхбатыг өөрийнх нь хүсэлтээр бүрэн эрхээс нь чөлөөлсөн. Ингэснээр Төрийн байгуулалтын байнгын хорооны даргыг шинээр сонгох шаардлагатай болсон юм. УИХ дахь МАН-ын бүлэг Халдашгүй байдлын дэд хорооны дарга Н.Энхболдыг Төрийн байгуулалтын байнгын хорооны даргаар сонгох нь зүйтэй гэж үзжээ. Улмаар Төрийн байгуулалтын байнгын хороо өнөөдөр хуралдаж түүнийг даргаараа сонгохыг дэмжсэн юм.

УИХ-ын чуулганы нэгдсэн хуралдаанаар Байнгын хорооны саналыг хэлэлцэж Н.Энхболдыг Төрийн байгуулалтын байнгын хорооны даргаар сонголоо.

Төрийн байгуулалтын байнгын хорооны даргаар сонгогдсон Н.Энхболд гишүүний намтрыг танилцуулъя.

Төгссөн сургууль, мэргэжил:

1974 онд Төв аймгийн Зуунмод хотын 10 жилийн дунд сургууль
1979 онд ЗХУ-ын Москва хотын Хэвлэлийн дээд сургууль Инженер- эдийн засагч мэргэжлээр
1990 онд ЗХУ-ын Москва хотын КН-ын дээд сургууль
1996 онд Австрали улсын Сиднейн их сургуулийн магистрантур тус тус төгссөн.

Ажилласан байдал:

1979-1980 онд Соёлын яамны хэвлэлийн нэгдсэн редакцид эдийн засагч
1980-1986 онд Соёлын яамны Төлөвлөгөө эдийн засгийн хэлтэст мэргэжилтэн, ахлах мэргэжилтэн
1986-1990 онд Улсын Хэвлэлийн Комбинатын орлогч дарга
1990-1993 онд Монгол Хэвлэл нэгтгэлийн ерөнхий захирал
1993-1995 онд Шадар сайдын зөвлөх
1997-2000 онд Ерөнхийлөгчийн Тамгын газрын Мэдээлэл харилцааны албаны дарга
2000-2004 онд УИХ-ын гишүүн
2004-2008 онд УИХ-ын гишүүн
2006-2007 онд Засгийн газрын гишүүн, Гадаад хэргийн сайд
2007-2008 онд Засгийн газрын гишүүн, Монгол Улсын сайд, Засгийн газрын хэрэг эрхлэх газрын дарга
2008-2012 онд УИХ-ын дэд дарга
2008-2012 онд УИХ-ын гишүүн
2012-2013 онд УИХ дахь МАН-ын бүлгийн дарга
2012-2016 онд УИХ-ын гишүүн
2016-2020 онд УИХ-ын гишүүн
2016-2017 онд УИХ-ын Төрийн байгуулалтын байнгын хорооны дарга
2017 оноос Засгийн газрын гишүүн, Батлан хамгаалахын сайд
2020 оноос УИХ-ын гишүүн