Arslan.mn

Дуулиантайгаар "Хөтөл цемент шохойн үйлдвэр"-ийн захиралаар Л.Наранбаатарыг томилоод 400 хонож буй. Гэтэл түүний зэс цухуйж, хэн хүнээс дутахгүй хэрхэн "самардаг"-ийг харуулаад буй. 

Тэрбээр даргаар нь томилогдож очоод 400 хонохдоо 462 тэрбум 551.8 сая төгрөгийн зөрчилд нэр холбогдоод байна. 

Энэхүү зөрчлийг нь олон нийт цахим сүлжээнд "хоногт тэрбум төгрөгийн зөрчил гаргаж байсан юм биш үү" хэмээн шүүмжлээд буй.

Л.Наранбаатар хувийн зардалдаа 6.4 сая, хайрхан тахиж, бумбын баярт оролцоход 5.9 сая, урлагийн наамдын үйл ажиллагаанд 900 мянга, улсын баяр наадамд 789 мянга, барилгачдын баярт 1.8 сая гэхчлэн тансагласан байгаа юм. 

Тэрээр өнөөдөр хэвлэлийн мэдээлэл хийхдээ “Хөтөлийн цемент шохой үйлдвэр төрд шилжсэнээс хойш анх удаа борлуулалтын орлого 100 тэрбум давж, 30 тэрбум төгрөгийн татварыг төрд төлсөн, 11.6 тэрбум төгрөгийн цэвэр ашигтай ажилласан. Энэ бол үйлдвэрийн сүүлийн 40 жилд байгаагүй ололт амжилт. Харин энэ амжилтыг аудитынхан сайшаахыг хүссэнгүй юу гэж харж байна. Аудитаас тус компанийн төрд шилжсэнээс хойших есөн сарын гүйцэтгэлд шалгалт хийж 462 тэрбум төгрөгийн зөрчил ирүүлсэн. Гэхдээ уг зөрчил бол бичилтийн алдаа, баримтын дутуу байдал, шүүхийн маргаантай байдлаас үүсэж болох бөгөөд залруулж болно гэдгийг Л.Наранбаатар мэдээлэв. 

Түүнчлэн тэрбээр хувийнхаа зардалд 6.9 сая, байрны түрээст 50 гаруй сая, Бумбын тахилгад 5.9 сая төгрөгийг зарцуулж, Төрийн хэмнэлтийн хууль зөрчсөнийг аудитын тайланд дурдсан юм. 

Ямартай ч Л.Наранбаатарын удаа дараагийн хууль бус үйлдэл, чадваргүй байдлыг нь МАН өөгшүүлж хариуцлага тооцохгүй байгаа нь сонин. Эсвэл Төрийн өмчийн бодлого зохицуулалтын газрын дарга Б.Цэнгэл даргынхаа хамгаалалтанд ороод хариуцлагаас мултрахаар шийдэв үү?!