БШУЯ-ын сайд Л.Энх-Амгалангийн орлого нэг жилийн дотор 9.3 тэрбум төгрөгөөр буурчээ

Төрийн өндөр дээд албан тушаалтнуудын 2022 оны хөрөнгө орлогын мэдүүлгээс харахад Улсын Их Хурал (УИХ)-ын 13 гишүүний хөрөнгө нэг тэрбумаас дээш дүнгээр нэмэгджээ.

Харин таван гишүүний хөрөнгө нэг тэрбумаас дээш дүнгээр буурсан байна. Нийт УИХ-ын гишүүдийн хөрөнгийн өсөлтийг нийлүүлэн тооцвол ойролцоогоор 40 тэрбум төгрөг болж байгаа юм.

Хөрөнгө нь хамгийн их өссөн УИХ-ын гишүүн нь Ц.Мөнх-Оргил. Түүний хөрөнгө орлогыг 2021 оны мэдүүлэгтэй нь харьцуулбал 8.3 тэрбум төгрөгөөр нэмэгджээ. Мөн УИХ-ын гишүүн Ц.Цэрэнпунцагийн хөрөнгө 7 тэрбум, Д.Бат-Эрдэнийнх 5 тэрбум төгрөгөөр тус тус өсжээ.

Тэгвэл хамгийн их дүнгээр хөрөнгө нь буурсан гишүүд нь Л.Энх-Амгалан, Ж.Ганбаатар, О.Цогтгэрэл нар байна. Тухайлбал УИХ-ын гишүүн, Боловсрол, шинжлэх ухааны сайд Л.Энх-Амгалан нэг жилийн дотор 9.3 тэрбум төгрөгийн хөрөнгөө "алдсан" байна.

Нэр	Нийт
Ц.Мөнх-Оргил	+8,282,644.06
Ц.Цэрэнпунцаг	+7,021,388.34
Д.Бат-Эрдэнэ	+5,098,840.15
Б.Дэлгэрсайхан	+3,526,048.32
Г.Тэмүүлэн	+2,023,761.75
Э.Батшугар	+1,797,337.76
Х.Ганхуяг	+1,689,381.71
Б.Чойжилсүрэн	+1,599,135.71
Э.Бат-Амгалан	+1,285,144.43
Д.Цогтбаатар	+1,203,190.63
Ж.Эрдэнэбат	+1,180,666.65
Б.Жавхлан	+1,138,049.61
Г.Дамдинням	+1,118,231.53

БУУРСАН

Нэр	Нийт
Л.Энх-Амгалан	-9,253,360.47
Ж.Ганбаатар	-3,770,358.49
О.Цогтгэрэл	-2,306,267.02
Ш.Адьшаа	-1,255,329.26
Г.Амартүвшин	-1,187,670.56
Х.Болорчулуун	-771,982.46
Ч.Ундрам	-624,384.78
Л.Мөнхбаатар	-491,416.21
А.Адъяасүрэн	-488,640.04
Б.Энх-Амгалан	-449,808.26
Ц.Сэргэлэн	-369,476.07
Т.Энхтүвшин	-366,083.08
Ц.Идэрбат	-320,596.24

Сүүлийн таван жилд хөрөнгө нь хамгийн их өссөн хүн нь мөн л УИХ-ын гишүүн Ц.Мөнх-Оргил байна. Түүний хөрөнгө 2018 онд 6.9 тэрбум төгрөг байсан бол 2022 онд 18.9 тэрбум төгрөг болж, бараг гурав дахин нэмэгдэв.