Arslan.mn

Өнөөдөр Нүүрсний хэргийн хянан шалгах түр хорооноос зарласан хоёр дахь сонсгол эхэллээ. Энэ удаагийн сонсголд оролцуулахаар 268 гэрчийг дуудаж буйгаа Түр хорооны дарга, ХЗДХ-ийн сайд Б.Энхбаяр танилцуулсан билээ. 

Өнөөдрийн нотлох баримтыг шинжлэн судлах сонсголоор “Эрдэнэс таван толгой” ХК болон "Тавантолгой" ХК-ийн тээврийн үйл ажиллагаа, нүүрсний экспорт; Нүүрс тээврийн "С" зөвшөөрөлтэй холбоотой асуудал; Гааль, хилийн цэргийн албан хаагч нартай холбоотой асуудлаар нотлох баримтыг шинжлэн судалж, шинжээчийн дүгнэлт, хянан шалгагч нарын тайланг сонсож, шаардлагатай бичмэл нотлох баримтуудыг танилцуулж, холбогдох гэрчүүдээс асуулт асууж, хариулт аван, гэрч, шинжээч, хянан шалгагчаас тайлбар авна.