Arslan.mn

Цаг хугацаа өнгөрөхийн хэрээр улс төрчдийн нэр холбогдсон зарим хэргийн сураг ажиг чимээгүй алсад одож байна. Тэдгээр хэргийн нэг нь Жалбасүрэнгийн Бат-Эрдэнийн холбогдоод байсан авилгын хэрэг. 2024 он гарсаар хэдийн 4 дэх сартайгаа золгож байхад 2022 онд шалгаж эхэлсэн уг хэргийн сураг ажиг чимээ аниргүй хэвээр. 

 Дарханы зам ашиглалтад оролгүй хэдэн жил Монголчуудыг зовоосонг бид мэднэ. Тэр үед Зам тээврийн хөгжлийн дэд сайд байсан Ж.Бат-Эрдэнийг Дарханы замын тендэрээс их хэмжээний авилга авч, бусдад давуу байдал олгосон, хөрөнгөжсөн байдал нь тодорхойгүй гэсэн үндэслэлээр шалгаж эхэлсэн байдаг. Тодруулбал, шалгаж эхлэхдээ 30 хоногийн баривчилгаа ч хийж, шүүхэд шилжихэд бэлэн болоод байсан. Гэтэл өнөөдөр энэ хэрэг сураг ажиггүй, тодорхой бус хэвээр байсаар байгаа юм.