Arslan.mn

Монгол Улсын 2013 оны нэгдсэн төсвийн гүйцэтгэлийг өнөөдрийн УИХ-ын нэгдсэн чуулганы хуралдаанаар хэлэлцэж байгаа билээ. Энэ үеэр УИХ-ын гишүүн Л.Энх-Амгалан төсвийн ерөнхийлөн захирагч, сайд нар өнгөрсөн жил гадаад томилолтын зардлаа хэтрүүлснийг шүүмжллээ.

Түүнчлэн Засгийн газрын 2007 оны 349 дүгээр тогтоолд зааснаас бусад автомашин унах эрхгүй 222 албан тушаалтан автомашин ашиглаж байгааг Үндэсний аудитын байгууллага аудит хийхдээ тогтоосон тухай хэлсэн юм. Харин энэхүү асуудал хуралдаанаар маргаан дагуулж, гишүүдээс шүүмжлэл хүртсэн тул Үндэсний аудитын газраас машин унах эрхгүй дээрх 222 албан тушаалтны нэрийг ил болгоно гэж амлав.