Arslan.mn

УИХ-ын гишүүн Х.Нямбаатараас цаг үеийн асуудлаар тодруулга авлаа.

Тэрбээр " Ш.Батхүүгийн хэргийн хөөн хэлэлцэх хугацаа дууссан гээд хэдэн хэргүүд яригдаад байгаа. Би АТГ, прокурорт ажилладаггүй учир мэдэхгүй. Миний мэдэж байгаагаар 2009 онд үйлдэгдсэн хэрэг 2013 онд шалгагдаж, эрүүгийн хэрэг үүссэн. Үндсэндээ 6 жил гаруй хугацаанд шалгагдаж байгаа. Хөөн хэлэлцэх хугацаа ч байх ёстой, хэрэг шалгах хүмүүст ч хугацаа хангалттай байх ёстой. Хоёр зарчим байна. Нэгд, хөөн хэлэлцэх хугацааг яаж тоолох вэ гэдэг.

Одоо манай Эрүүгийн хэрэг хянан шийдвэрлэх тухай хуулин дээр анхан шатны шүүхийн шийдвэр хүчин төгөлдөр болох хүртэл хугацаанд тоолъё гэж оруулсан. Гэхдээ манай ажлын хэсэг хэрэгт яллагдагчаар татах хүртэл хугацааг тоолъё. Хэргийн хүнд хөнгөнөөс шалтгаалж хөөн хэлэлцэх хугацааг 3-25 жил хүртэлх хугацаанд тоолъё гэж оруулсан.

Эрүүгийн хууль дагаж мөрдөх хуулиараа энэ өөрчлөлт орсон өдрөөс эхлээд дагаж мөрдье. Өмнө нь хэрэгсэхгүй болсон хэргүүдийг энэ журмын дагуу дахиж тоолъё. Өөрөөр хэлбэл, сэргээн шалгах боломжтой гэсэн үг." гэв.