Arslan.mn

УИХ-ын анхдугаар чуулганыг хуралдаж, шинэ гишүүд тангараг өргөлөө.

Одоо МАН-ын Удирдах зөвлөл хуралдаж, Ерөнхий сайдаар У.Хүрэлсүх, УИХ-ын даргаар Г.Занданшатар нарыг томилох эсэх асуудлыг хэлэлцэнэ гэх мэдээлэл байна.

МАН-ын Удирдах зөвлөл хуралдсаны дараа чуулганыг эргэн хуралдуулах бололтой.

Сонгуулийн дүнгээр МАН 62 суудал авсан учраас олонх болсон. Тиймээс МАН-ын дарга, Ерөнхий сайд У.Хүрэлсүхийг Засгийн газрын тэргүүнээр улируулан томилох нь тодорхой байгаа. Харин Ерөнхий сайд У.Хүрэлсүх өөрийн танхимаа Ерөнхийлөгчтэй зөвшилцөж, УИХ-д оруулж ирнэ. Гэхдээ өнөөдрийн анхдугаар чуулганаар зөвхөн Ерөнхий сайдыг томилох учраас эрх баригчид наадмаас өмнө Засгийн газраа байгуулахаар төлөвлөж байгаа аж.

Харин УИХ-ын дарга хэн болох вэ гэдэг улс төрийн хүрээнд анхаарал татаж байгаа бол эрх баригчид Г.Занданшатарыг улируулан томилох саналтай байгаа гэнэ. Тэрээр УИХ-ын сонгуулийн гуравдугаар тойрог, Баянхонгор аймгаас хамгийн олон санал авч, УИХ-ын гишүүнээр сонгогдсон билээ.

Түүнчлэн туршлагатай парламентач гэгддэг Н.Энхболд, Д.Тогтохсүрэн, С.Бямбацогт, Б.Бат-Эрдэнэ, Л.Энх-Амгалан нарын нэр ч дуулдаж буй.

Ерөнхийдөө УИХ-ын даргаар очих хүн гишүүдийнхээ дунд эвийг эрхэмлэгч байхаас гадна намын даргатайгаа хамтарч ажиллах шаардлага шалгуурыг бүрэн хангасан байх нь тодорхой.

Тиймээс ямартай ч өнөөдөр Засгийн газрын тэргүүн, УИХ-ын шинэ даргыг сонгох нь...