Arslan.mn

УИХ-ын дэд дарга Т.Аюурсайхан УИХ-ын чуулганы өчигдөрийн хуралдааны үеэр УИХ-ын гишүүн Б.Пүрэвдоржийн энэ долоо хоногийн УИХ-ын чуулганы хуралдаанд оролцох эрхийг хасжээ.

Чуулганы хуралдааны үеэр УИХ-ын гишүүн Б.Пүрэвдорж  “ЖДҮ-чид, концессчид дахин сонгогдсон нь төсвийн мөнгөөр сонгууль явуулсны үр дүн” хэмээн хэлсэн бөгөөд чуулганыг даргалж буй УИХ-ын дэд дарга Т.Аюурсайхан УИХ-ын Дэгийн тухай хуулийн шинэчилсэн найруулгаар гишүүд чуулганы хуралдааны үеэр хүн гүтгэхгүй, доромжлохгүй байхыг тусгасныг сануулаад ийм үйлдэл байна гэж үзэж байгаа бол холбогдох байгууллагад шалгуулахыг хүссэн юм.

Харин дахиж УИХ-ын гишүүн Ж.Мөнхбатыг үг хэлэх үеэр Б.Пүрэвдорж гишүүн суудлаасаа босон дэд даргын дэргэд очсон зэрэг дэг зөрчсөн тул ийнхүү эрхийг нь хассан юм.