Arslan.mn

Эрүүл мэндийн даатгалын үндэсний зөвлөлийн зарим гишүүнийг чөлөөлөх, томилох тухай асуудлыг чуулганы нэгдсэн хуралдаанаар хэлэлцэж байна. 

Эрүүл мэндийн даатгалын үндэсний зөвлөлийн Засгийн газрыг төлөөлсөн гишүүд болох С.Чинзориг, Д.Сарангэрэл нарыг чөлөөлж, Т.Мөнхсайхан, А.Ариунзаяа нарыг томилохыг гишүүдийн олонх дэмжлээ. 

Мөн Эрүүл мэндийн сайд Т.Мөнхсайханыг Эрүүл мэндийн даатгалын үндэсний зөвлөлийн даргаар томилохыг олонын саналаар дэмжив. 

Эрүүл мэндийн сайд Т.Мөнхсайхан: Гадагшаа явж эмчлүүлэх асуудалд бид анхаарал хандуулж байгаа. Аль болох гадагшаа явалгүй, дотооддоо эмчлүүлэх бололцоогоор хангахыг зорьж байна. Эхний ээлжинд гадагшаа явах биш гадны туршлагатай эмч нарыг эх орондоо авчрах боломжуудыг судалж байгаа. Турк улстай гэрээ хийх асуудлыг судалж үзье. Нэг удаа гэрээ хийгээд мөнгө төлөхөөр тусламж, үйлчилгээ үнэ төлбөргүй үзүүлдэг улс ховор. 

Сум багийн түвшинд эмийн сангуудыг эмээр, ялангуяа хөнгөлөлттэй эмээр хангах асуудал хүнд байдаг тул хувийн хэвшлийг түлхүү оролцуулан шийдэхээр ажиллаж байна.  Хөнгөлөлттэй эмийг гүйцэтгэлээр олгох юм. Өмнө нь эмийн сангуудад тодорхой төсөв хуваадаг байсан бол одоо гүйцэтгэлээр олгож байхаар болж байна. Ингэснээр төсөв дууссан гэх асуудалгүй болно. 

ШУУД ҮЗЭХ: