Arslan.mn

АНУ-аас Монгол Улсад суугаа Элчин сайд Майкл Клечески​ гэр бүлээрээ битүүний сар шинийн баяр тэмдэглэхээр тавгийн идээгээ зассан байна. Тэрбээр Монголын ёс заншлыг ягштал дагасан байна. Гэтэл гишүүн Т.Доржхандын зассан идээг харцгаая. Идээгээ дөрвөн үе засаж зовлонгоор дуусгажээ.

Монголчууд бид цагаан сар ч гэлтгүй бусад баяраар хэвийн боовоор таваг засахдаа “жаргал, зовлон” хэмээн ээлжлэн тоолсоор “жаргал”-аар дуусгаж сондгой тоогоор идээгээ засдаг. Харин Ерөнхийлөгч асан Ц.Элбэгдорж Төрийн ордонд болсон өндөр настангуудын золголтын үеэр зассан идээ 10 давхар байсан нь олны дургүйцлийг төрүүлээд байсан билээ. Тэгвэл тухайн үеийн Ерөнхийлөгчийн эл алдааг УИХ-ын гишүүн Т.Доржханд залгамжиллаа. Учир нь түүний цагаан сарын тавгийн идээгээ дөрвөн үеэр зассанд олон нийт дургүйцлээ илэрхийлээд байна.

Тодруулбал, Шинийн идээ ундааг их идээ, бага идээ гэж эсвэл цагаалга, битүүлэг гэдэг. Их идээ томхон цар тавагт зассан самнаа хавсай, ул (хэвийн боов, самар, сүүл, цоохор боорцог, саран боорцог, шар, цагаан тос, ааруул хурууд, бал бурам, чихэр, үзэм, чавга)-аар чимэглэсэн идээг хэлдэг. Бага идээ гэдэг нь багашаархан няд тавагт зассан шүүс, буюу өвчүү хоньтой шаант, залаатай богтос, дал дөрвөн өндөр зэргийг хэлдэг. Шинийн нэгний идээ будааны шим шүлт, өнгө жавхаанаас тэр жилийн буян хишиг тогтоно гэж үздэг.  Гэтэл ХҮН-ын дарга Т.Доржхандын цагаан сарын мэндчилгээ дэвшүүлэх үедээ тавгын идээгээ 4 үеэр зассан бололтой. Монгол хүн, тэр дундаа төрийн түшээ ёс заншлаа мэдэхгүй, ийм хариуцлагагүй байж болохгүй.

ЁС ЗАНШИЛ, ӨВ УЛАМЖЛАЛАА ДЭЭДЛЬЕ!