Arslan.mn

Өнөөдрийн УИХ-ын чуулганы хуралдаанаар БОАЖ-ын сайдыг томилох асуудлыг хэлэлцүүлэх үеэр Улаанбаатар хотын утааны асуудал гамшгийн түвшинд хүрээд буй талаар УИХ-ын гишүүд шүүмжиллээ. Энэ тал дээр Засгийн газар ямар арга хэмжээ авч буй талаар Ерөнхий сайд Л.Оюун-Эрдэнээс асуулга тавилаа. 

Энэ үеэр УИХ-ын гишүүн Х.Булгантуяа "Сүүлийн хоёр өвөл Монголчуудын хувьд их хүнд өвөл боллоо. Агаарт гар гэж зөвлөх юм. Гэтэл ийм утаатай аймар үед яаж агаарт гарах вэ. Бид сүүлийн хоёр жил Байгаль орчны яамны төсвийг сайн нэмэж өгч, хүссэн агентлаг болгоныг байгуулж өгсөн. Өмнө нь У.Хүрэлсүх Ерөнхий сайд байхдаа агаарын бохирдолын ажлын хэсгийг ахалдаг байсан. Ерөнхий сайд Л.Оюун-Эрдэнэ та өөрөө энэ ажлын хэсгээ ахлаад ажиллаач. Ингэж энэ бүх ажлын уялдаа холбоог хангаж өгөхгүй бол баахан шинэ хүн томилогдсон учир эхнээсээ л эхэлж цаг алдах байх. Утаа руу У.Хүрэлсүх шиг ханцуйгаа шамлаад орооч гэж  бид хүсэж байна. Утаа ярихаараа л албан газрууд төсөв, бүтэц ярьсаар байгаад ингээд утаандаа дарагдаад ухралт хийгээд сууж байна" гэлээ.