Arslan.mn

УИХ-ын чуулганы хуралдаан үргэлжилж байна. Хуралдааны үеэр УИХ-ын гишүүн М.Оюунчимэг хүнсний гол нэрийн бүтээгдэхүүн болох гурилын үнэ 30 хувь өссөн нь айл, өрхүүдэд том дарамт болж байгаа гэв.

Тэрбээр ”Иргэдтэйгээ уулзалтууд хийгээд явж байхад гурилын үнийн 30 хувийн өсөлт айл, өрхүүдийн орлогод дэндүү том дарамт болж байна. Найман нэрийн дэлгүүрт гурилан бүтээгдэхүүн хамгийн их борлуулагддаг байсан. Гэтэл иргэд талх, гурилаа авч чадахгүйд хүрлээ. Заримдаа талхыг таллаж худалдан авч байна. ХХААХҮ-ийн сайд Х.Болорчулуунаас асуумаар байна. Цаашид яах вэ?” гэв.