Arslan.mn

Чуулганы нэгдсэн хуралдаан эхэллээ. Хуралдаанаар хүүхэд хамгааллын хуулийн төслийг хэлэлцэж байна. Хэлэлцэж буй асуудалтай холбогдуулан гишүүд асуулт асууж хариулт авч байна.

Энэ үеэр УИХ-ын гишүүн П.Анужин "Гурван жилийн өмнө сурагчдын "Үдийн цай" 900 төгрөг байсныг бид 1500 төгрөг болгож нэмэгдүүлээд, "Үдийн хоол" болгосон юм. Тухайн үед хуулиндаа жил бүр тодорхой хэмжээгээр төсвийг нь нэмээд явахаар тусгасан. Харамсалтай нь өнөөдрийг хүртэл нэг ч төгрөг нэмэгдсэнгүй. Өнөөдөр 1500 төгрөгөөр юу авч идэх вэ, бодоод үз дээ?

Хоолны асуудал мэт боловч монгол хүний ирээдүйн эрүүл мэндийн үндэс, суурийг яриад байгаа юм. Бид зам, бүтээн байгуулалт, уул уурай ярьж байна. Ирээдүйд үүнийг чинь хэн хэрэглэх юм бэ. Хэний төлөө энэ бүтээн байгуулалтыг хийж байгаа юм. Үүнийг чинь хэрэглэх эрүүл монгол хүн өсөж, торниж байна уу?

Энэ 1500 төгрөгийг нэмэгдүүлэх гарц байхгүй юм уу? БШУЯ-аас төсвийг нь нэмээд ороод ирэхээр Сангийн яам нь яагаад дандаа үл тоож хасдгийг би асуумаар байна.

Энэ 1500 төгрөгөөр хүүхэд 35%-ийн калори авдаг гэх судалгаа бий. Хэдийгээр 35%-ийн калорийг хүүхдүүд гэртээ авах ёстой гэж байгаа ч энүүгээр өдрийн хоолны өл залгадаг хүүхдүүд зөндөө байна.