Arslan.mn

Шинэ УИХ-ын анхдугаар чуулганыг Монгол Улсын Ерөнхийлөгч У.Хүрэлсүх нээж, үг хэлсний дараа УИХ-ын гишүүдийн тангараг өргөх ёслолд оролцож байна.

Тангараг өргөх ёслол өндөрлөлөө. УИХ-ын гишүүд тангараг өргөж, тангаргийн бичигт гарын үсэг зурсны дараа Төрийн ордны хоймор дахь төрийн сүлд болон чуулганы танхимын хойморт суудлаа эзэлсэн Ерөнхийлөгч, Ерөнхий сайд нарт мэхийн ёсолдог.

Шинээр сонгогдсон гишүүд протоколын дагуу тангараг өргөж, төрийн сүлдэнд ёслохоос өөр үйлдэл хийхгүй байгаа хэдий ч гишүүдийн биеийн хэлэмж анхаарал татаж байна. 

Тухайлбал, 2004-2008 онд УИХ-ын гишүүнээр сонгогдон ажиллаж байсан ИЗНН-ын дарга Батын Батбаатар 16 жилийн дараа хоёр дахь удаагаа УИХ-ын гишүүн боллоо. Тэрбээр тангараг өргөсний дараа төрийн сүлдэнд ёслоод, Ерөнхийлөгчид мэхийн ёсолсонгүй.

Мөн УИХ-ын гишүүн Х.Баттулга, Н.Номтойбаяр нар Ерөнхийлөгчид мэхийн ёслоогүй нь олны нүдэнд туслаа. Одоо ч хувь өшөөрхөл тээж ёсолсонгүй хэмээж байв.