Arslan.mn

УИХ-ын нэгдсэн чуулганы хуралдаан 11:00 цагт эхэллээ.  Чуулганы нэгдсэн хуралдаанаар 2025 оны төсөвт тавьсан Ерөнхийлөгчийн хоригийг хүлээн авч, хууль тогтоомж хүчингүй болсонтой холбоотой Төсвийн тухай хуулийн төслийг хэлэлцэх дэгийн тухай хуулийн төслийг хэлэлцэх юм.

Чуулганы хуралдаанд УИХ-ын 126 гишүүний 60 буюу тавь хүрэхгүй хувь нь оролцож байна. Тиймээс УИХ-ын дарга гишүүдийн ирцийн асуудлыг өнөөдөр 5 дахь удаагаа хөндөв.

Энэ талаар УИХ-ын дарга Д.Амарбаясгалан "Өнөөдрийн хуралдаанд 80 гишүүн ирц бүртгүүлээд 60 нь л сууж байна. Гишүүд ирсэн дарааллаараа "УРДУУР СУУДАГ" байх журам боловсруулж эхэлсэн. Өглөө ирж ирцээ бүртгүүлчихээд, бүтэн өдөржин АЛГА БОЛДОГ хүмүүс байна. Сууж байгаа юм байхгүй. Бүгд эсрэг санал болж гардаг.  Олон удаа сонгогдсон гишүүдийг хар. Урдуур бараг бүх суудал хоосон байна. Олон нийтэд парламентын танхим хоосон харагдаж болохгүй. Эрт ирсэн гишүүдийг урагш суулгана. Гишүүдийн ёс зүйн асуудлыг олон нийт ярьж байна шүү дээ" гэв.