Arslan.mn

Хархорум хотын бүтээн байгуулалт, хөгжлийг дэмжих тухай хуулийн төсөл болон хамт өргөн мэдүүлсэн хууль, тогтоолын төслүүдийг чуулганы хуралдаанаар хэлэлцэж байна.

Энэ үеэр Сангийн сайд Б.Жавхлан Хархорум хотын бүтээн байгуулалтын ажлын албаныхныг ажлаа сайн хийсэнгүй хэмээн шүүмжиллээ.

Тэрбээр "2023 оноос хойш танай дээр нэлээн төсөв тавигдаж байгаа шүү. Тиймээс ажлаа сайн хийгээрэй гэж захимаар байна. Мөнгө тавиад байхад ажил нь гараас нь гардаггүй. Сая төсвийн тодотгол хийхэд "Бид болохоо байлаа" гээд бөөн юм болж нэмж 15 тэрбум төгрөг тавиулсан хэр нь өмнө нь өгсөн 30 тэрбум төгрөгөөр хийсэн ажил юу ч байхгүй. Эхний 15 тэрбум төгрөгөөр дөнгөж гэрээг нь хийсэн сурагтай байна. Ажлын үр дүн алга. Хоёр тусдаа тендер зарлах болчхож байгаа юм. Одоо дахиад 2025 онд 30 тэрбум төгрөгийн ажил тавигдсан байгаа, би үүнд маш их эргэлзэж байна. Ингэж их мөнгө зарцуулна гэж төсөвлөчхөөд ажил нь явахгүй, үр дүн алга. Татвар төлөгчдийн мөнгөөр санхүүжилт хийж байж ажил нь явдаггүй, олон нийтэд мэдээлэл өгөөрэй." гэв.