ИЗНН-ынхан Ерөнхийлөгчид хандан ил захидал илгээлээ

Иргэний зориг ногоон намыг ирэх сонгуульд оролцуулахгүй гэсэн шийдвэрийг Сонгуулийн ерөнхий хорооноос гаргасан байгаа билээ. Энэ шийдвэрийг хууль бус гэж үзсэн тус намын дарга Ц.Ганхуяг тэргүүтэй гишүүд нь шүүхэд хандахаа мэдэгдсэн юм. Ямар учраас сонгуульд оролцуулахгүй гэсэн шийдвэрийг СЕХ-ноос мэдээлэхдээ “Намын баримт бичгээ дутуу ирүүлсэн. С.Оюун даргын гарын үсгийг хуурамчаар зурсан” гэх хууль зөрчсөн үйлдэл гаргасан хэмээн тайлбарласан байгаа юм. Тэгвэл тус намынхан ийнхүү намд нь шударга бус хандсан асуудлаар мөн ирэх сонгуульд намаа төлөөлж оролцох боломжтой хэмээн үзсэн тэд Монгол Улсын Ерөнхийлөгчид ил захидал илгээжээ.