Arslan.mn

УИХ дахь АН-ын бүлэг өнөөдөр хуралдаж, Монгол, Оросын хувь нийлүүлсэн Улаанбаатар төмөр зам нийгэмлэгийн талаар авах арга хэмжээний тухай тогтоолын төслийг хэлэлцсэн байна.

Энэ талаар УИХ дахь Ардчилсан намын бүлгийн дарга Д.Ганбат: “Өнөөдрийн хуралдаанаар хоёр асуудал хэлэлцлээ. УБТЗ-ын талаар авах арга хэмжээний тогтоолын төслийн талаар болон бусад цаг үеийн асуудлыг хэлэлцсэн. УБТЗ-ын талаар хэд хэдэн асуудал анхаарах ёстой гэсэн байр суурь илэрхийлж байна. Японоос авсан “МОН-ПИ1,2” зээл нэг талаар үр дүнтэй болсон ч, үр ашиггүй зарцуулагдсан ч зүйл бий. Иймд татвар төлөгчдийн мөнгөөр төлөх нь оновчтой биш. Үүнээс гадна УБТЗ-д хариуцлагагүй олон зүйл их болж байна. 

Төсвийн тодотгол хийе гэдэг асуудлыг АН ярьж байсан. Богд Зонхов бурхны хөшөөг барихад 34 тэрбум төгрөг тавьсан байсан. АН хөшөө дурсгал барих хэрэггүй, музей барих хэрэггүй. Энэ олон улаан булангийнхаа төсвийг зарцаа гэдэг асуудлыг удаа дараа хэлж, төсвөө тат, бид дэмжих боломжгүй гэж удаа дараа хэлж байсан. Гэвч Ардын нам үнэмлэхгүй олонхоороо баталчхаад нийгэм шүүмжлэнгүүт матрын нулимс унагаж байна."гэв.