Arslan.mn

Л.Оюун-Эрдэнийн засгийн газарт шинээр томилогдох сайд нарын суудал хөшигний ард ширүүхэн өрсөлдөөн болж байна. Одоогийн ХЗДХ-ийн сайд Х.Нямбаатар ЗГХЭГ-ын дарга болох нь тодорхой болсноор түүний оронд очих суудлын марафон аль хэдийн өрнөсөн. 

Тэгвэл ХЗДХ-ийн сайдад МАН-ын генсек Д.Амарбаясгалан өөрийн хүн Ш.Раднаасэдийг, Хотын дарга Д.Сумьяабазар өөрийн хүн Ж.Сүхбаатарыг, Дорнодын фракцыхан Б.Энхбаярыг зүтгүүлж байна. 

Л.Оюун-Эрдэнийн хувьд эрх мэдлийг нэг  талд хэт төвлөрүүлэхгүй байх хүсэлтэй байгаа тул генсек Д.Амарбаясгаланд энэ суудалд найр тавих нь эргэлзээтэй болсон. Харин Хотын дарга Д.Сумьяабазартай сүүлийн үед их ойр байгаа учраас Ж.Сүхбаатар ХЗДХ-ийн сайдаар очих магадлал өндөр байна хэмээн саарал ордонд яригдаж байна. 

Ж.Сүхбаатар гишүүний хувьд Б.Энхбаяртай өөрийгөө эн дүйцүүлж, холбож рейтингээ наах сонирхолтой явсаар өдийг хүрсэн. Ил харагдах байдалд дээрх хоёр гишүүн найз, ойр мэт боловч цаагуураа Ж.Сүхбаатар нь Б.Энхбаяр л биш шүү хэмээн өөрийгөө сайдын суудалд зүтгүүлж, томчуудтай уулзаад амжжээ. 

Б.Энхбаярын хувьд зарчмын хувьд зөв өнцөгөөс олон нийт рүү чиглэдэг давуу талтай. Сул тал нь багийн тоглолтгүй, өөрийг нь түшээд авах улс төрийн дэмжигчид бага. 

Ямартай ч ХЗДХ-ийн сайдаар Ж.Сүхбаатар хамгийн өндөр магадлалтай явж байна. Харин намын архаг гишүүдээс сайд болох уу хэмээн санал тавихад ирэх хаврын жагсаал цуглаан, ард түмний тэмцлийг барьж дийлэхгүй хэмээн шийрэгнэсэн сурагтай.