Arslan.mn

Ц.Нямдорж Засгийн газрын гал тогоог хоёр жил бариад буув. Түүний оронд МАН-ын Ерөнхий нарийн бичгийн даргаар ажиллаж байсан Д.Амарбаясгалан очиж буй. 

Харин ажлаа өгсөн Ц.Нямдорж улс төрөөс түр завсарлага авсан бололтой. Түүнийг Үндсэн хуулийн Цэцийн даргаар очно гэх яриа, таамаг байгаа талаар бид өмнө мэдээлж байсан. 

Өчигдөр ажлаа өгсөн Ц.Нямдоржоос сэтгүүлчид "Тэтгэвэртээ гарч байна уу эсвэл өөр албан тушаалд очих уу" гэсэн асуултад хариулт өгөөгүй бөгөөд дараагийн алба тушаалд очих талаар мэдээллийг ч үгүйсгэсэнгүй. Тэрээр, “Миний хувьд намын ерөнхий нарийн бичгийн даргад ажлаа өгч байгаад баяртай байна. Би улс төрд ороод 41 жил болж байна. Нам, УИХ, Засгийн газрын түвшинд удаан ажилласан цорын ганц хүн нь бий. Залуучууд ажлаа сайн хийнэ гэж найдаад амжилт хүсээд явж байна” гэсэн тайлбарыг өгсөн юм.

Ямартай ч Ц.Нямдорж улс төрөөс яваагүй, түр завсарлага л авсан нь тодорхой бололтой.