Arslan.mn

УИХ-ын гишүүн П.Анужин орон нутгаас нэр дэвшиж байгаа. Сонгинохайрханы хэдээ мань хүн тоосонгүй юу, сонгогчид нь түүнийг нэг нүдээрээ ч харахгүй гэчихвүү ямартай ч тойрог сэлгэж хөдөө тийш хөөрхийг цөлсөн. "Монгол тулгатны 100 эрхэм" нэвтрүүлгийн хөтлөгчөөр олонд танигдсан тэрээр 2020 онд Сонгинохайрханчуудын хайраар тэтгэж УИХ-д хөл тавин гишүүн болж байсан түүхтэй.

 Овоо сайхан хууль санаачлаад ажлаа хийх  нь үү дээ гэсэн чинь "Төрийн хүний өмсөх хувцасны хээг хуульчилмаар байна" гэсэн хүн шүү дээ.

Монголчууд эргээд уулзах "улаан нүүр"-тэй байх гэж ихээхэн хичээж амьдардаг. Угтаа бол хүний итгэлийг даах юмсан захьсан хэлснийг нь биелүүлэх юмсан гэж. Тойрог сэлгэж байгаа нөхдийн хувьд буцаад уулзах нүүргүй л юм байна. Ажлаа муу хийж дээ л гэж олон нийт дүгнэх. П.Анужин гишүүний хувьд өнгөрсөн 4 жилд сургуулийн хүүхдийн үдийн цайг чанаржуулах томоохон асуудлаар жинтэй дуугарч харагдсан. Өөр ч овоодоо гээд хэлчихээр гарт баригдаж нүдэнд харагдах чихэнд сонсогдох ажил хийж харагдаагүй. Ирээдүй хойч болсон үр хүүхдийнхээ хоол ходоод гэдэстэй ажиллана гэдэг яалтчгүй чухал байлгүй яахав. Мацагтан Монгол группыг үүсгэн байгуулагч өөрийгөө мацгаар анагаасан гэгддэг түүнд зөв хоол тэнцвэртэй хоол шим тэжээл яриад явах ойр сэдвийн нэг байлгүй л яахав. 

"Хар пиар" хэл амаар олноо танигдан их хуралд нэгэнтээ суугаад авсан эрхэм гишүүний бай энэ удаад хөдөө орон нутгийнхан.

Морьтой зургаа сошиалд нийтэлсэн түүний пост дор сайхан хүүхэн сайн морь хоёр Монгол төрд түй ч хэрэггүй гэх.