Arslan.mn

Тогтвортой ажиллахын тул хамтарсан Засгийн газар байгуулахаар зорьж буй Ерөнхий сайд Л.Оюун-Эрдэнэ АН-д 6-7 яам, хоёр агентлаг, ХҮН-д хоёр яам өгөөд үлдсэн яамаа өөрсдөө авахаар төлөвлөсөн гэж буй. Ингэхдээ бодлогын яамдад  зарим сайд нарыг улирааж ажиллуулж магадгүй тухай мэдээлэл байгаа юм.

Тэгвэл ЗТХ-ийн сайдаар ажиллаж байсан С.Бямбацогтын хүсэлтийн дагаа Л.Оюун-Эрдэнэ улираан сайдын албыг нь үргэлжлүүлэхээр болсон мэдээлэл байна. 

С.Бямбацогтын хувьд Ховдын хөшөөтийн уурхайтай нэр холбогдож байсан, Монгол-Оросын хувь нийлүүлсэн нийгэмлэг “Улаанбаатар төмөр зам”-ын удирдлагын асуудал хариуцсан орлогч дарга Н.Энхцогтод халдаж, эрүүл мэндэд нь хохирол учруулсан хэрэг өнгөрсөн оны 12 дугаар сард гарсан. Гэвч одоо болтол уг хэрэг хэрхэн шийдэгдсэн нь тодорхойгүй, нам дарагдсан билээ.