Arslan.mn

Боловсролын сайд П.Наранбаярыг өчигдөр мэдээлэл хийх үеэр “Үнэн ба Зөв” намын гишүүн А.Отгонбаатар түүн рүү өндөг шидэж, эсэргүүцлээ илэрхийлсэн. Улмаар Боловсролын сайдын хэвлэлийн төлөөлөгч Т.Отгонбаатар сайдаа хамгаалж, даргадаа хайртай гэдгээ харуулаад авсан.

Тэгвэл өндөг шидсэн А.Отгонбаатартай нударга зөрүүлсэн эр Т.Отгонбаатарыг олон нийт  эчнээ таних ажээ. Тодруулбал тэрбээр саяхан “Даргынхаа аавын нутагт” гэх пост бичиж олны шүүмжлэлд өртөж байсан нэгэн.

Т.Отгонбаатар нь ХҮН намын нарийн бичгийн дарга бөгөөд 2020 оноос эхлэн тус намд харьяалагдаж, ажиллаж эхэлсэн бөгөөд  Боловсролын сайд П.Наранбаярыг сайд болоход тэрбээр бие төлөөлөгчөөр нь ажиллахаар томилогдож байсан.

Мөн удахгүй болох НИТХ-ийн сонгуульд намаасаа Баянзүрх дүүргийн 2-р тойрогт нэр дэвшээд байна.