Arslan.mn

Дархан-Уул аймгийн ИТХ-ын анхдугаар хуралдаан өчигдөр /2024.10.17/-нд боллоо. Орон нутгийн сонгуулиар Дархан-Уул аймгийн ИТХ-ын 41 мандатын төлөө таван нам, хоёр бие даагч  нийт 95 нэр дэвшигч өрсөлдөн МАН 24, АН 16, бие даагч нэг суудал авсан юм.

Тодруулбал, ИТХ-ын ес дэх удаагийн сонгуулийн анхдугаар хуралдаан аймгийн засаг даргыг сонгох санал хураалт болж, МАН-ын бүлгээс нэрийг дэвшүүлсэн Б.Азжаргал 21 санал буюу 52.5 хувийн санал авч аймгийн засаг даргаар томилохоор нэрийг нь Ерөнхий сайдад уламжлахаар тогтжээ.

 2020-2024 онд тус аймгийн Засаг даргаар ажилласан Б.Азжаргал ийнхүү улиран ажиллахаар сонгогдлоо.

Тэгвэл улиран ажиллахаар сонгогдсон Б.Азжаргалын  АТГ-т мэдүүлсэн 2023 оны Хөрөнгө орлогын мэдүүлгийг танилцуулъя.

Тэрбээр 2023 оны хөрөнгө орлогын мэдүүлэгтээ “113 сая төгрөгийн орлоготой гэсэн бол гэр бүлийн орлогоо 57 сая хэмээн мэдүүлжээ. 

Мөн 785 сая төгрөгийн 3 орон сууцтай,  1 үйлчилгээний талбай,  1 зуслангийн байшинтай,  130 сая төгрөгийн Toyota, Land Cruiser 200 маркын машинтай,  100 сая төгрөгөөр үнэлэгдэх 3 газар, 7.4 сая төгрөгийн үнэт эдлэлтэй  хэмээн мэдүүлсэн байна.

Мөн 89  сая төгрөгийн хадагламжтай бөгөөд 160  сая төгрөгийн зээлтэй байна.

2020-2024 онд тус аймгийн Засаг даргаар ажилласан Б.Азжаргалын  хувьд   4 жилийн хугацаанд орлого нь   62 сая төгрөгөөс  113 сая төгрөг болж , ҮЛ ХӨДЛӨХ хөрөнгө нь 385 саяас 785 сая  төгрөгийн 3 орон сууцтай болж НЭМЭГДЖЭЭ