Arslan.mn

Аймаг, нийслэл, сум дүүргийн ИТХ-ын 2024 оны ээлжит сонгуулийн дүнгээр байгуулагдсан аймгийн иргэдийн Төлөөлөгчдийн Хуралд АН-аас 23 төлөөлөгч, МАН-аас 18 төлөөлөгч нийт 41 төлөөлөгч сонгогдсон.

Тэгвэл өчигдөр (2024.10.28) Баян-Өлгий аймгийн ИТХ-ын Анхдугаар хуралдаан болж,  аймгийн ИТХ дахь олонхын бүлгээс тус аймгийн Ардчилсан намын дарга А.Бегарысын нэрийг аймгийн ИТХ-ын даргад нэр дэвшүүлжээ.

Улмаар хуралдаанд оролцсон төлөөлөгчдийн 100 хувийн саналаар А.Бегарысыг аймгийн ИТХ-ын даргаар сонгожээ.

А.Бегарыс нь 1992 онд Баян-Өлгий аймгийн Толбо суманд төрсөн. Эхнэр, хоёр хүүхдийн хамт амьдардаг. 2015 онд ШУТИС-ийг барилгын инженер мэргэжлээр төгсөж, 2019 онд Бүгд Найрамдах Казахстан Улсын Х.Сатпаевын нэрэмжит Политехникийн Их Сургуульд техникийн ухааны магистрын зэрэг хамгаалжээ.

Тэрээр  2017-2021 онд “Назар авто” компанийн гүйцэтгэх захирал, 2021 оноос “Мөстийн ундарга” компанийн гүйцэтгэх захирлаар, 2023 оноос Аймгийн Ардчилсан намын даргаар тус тус томилогдон ажиллаж байна.