Arslan.mn

Д.Сарангэрэл, Ц.Мөнхцэцэг Б.Саранчимэг нар Элчин зөвлөхөөр томилогдож байгаа учраас МАН-ын Удирдах зөвлөлөөс чөлөөлөгджээ.

Тодруулбал, намдаа "гологдсон" УИХ-ын гишүүн асан Д.Сарангэрэл, Ц.Мөнхцэцэг, Б.Саранчимэг нарыг Элчин зөвлөхөөр томилж, ийнхүү гадаад руу явуулахаар болжээ.

Мэргэшсэн, мэргэжлийн гэхээсээ илүү улстөрчдийн ах дүү, хамаатан садан, найз нөхөд, ядахнаа фракц нэг нөхдүүд Элчин сайдаар томилогддог жишиг Монголын хувьд бичигдээгүй хууль болсон. УИХ-ын сонгуульд нэр дэвшиж чадаагүй, дэвшсэн ч ялагдсан эсхүл албан тушаалгүй суугаа улс төрчид энэ албанд томилогддог болоод удаж буй.

Энэ талаар УИХ-ын гишүүн А.Ариунзаяа "МАН-ын удирдах зөвлөл өнөөдөр хуралдлаа. Д.Сарангэрэл, Ц.Мөнхцэцэг, Б.Саранчимэг нар Элчин зөвлөхөөр томилогдож байгаа учраас Удирдах зөвлөлөөс чөлөөлсөн байгаа. Нөхөж орж ирэх хүмүүсийг намын бага хурлаар шийддэг. Энэ талаар огт яригдаагүй. Түүнчлэн МАН-ын Удирдах зөвлөлөөр улс төрийн намын тухай хууль болон намын их хурлын талаар хэлэлцсэн" гэв.