Arslan.mn

Ерөнхий сайд Н.Учрал ойрын хүмүүстээ элэгтэй, өөрийн танил тал, найз нөхдөө үлдээлгүй албан тушаалд томилдог давуу талтай. МАН-ын нэр барисан “намчин” залуус Ерөнхий сайдын буянд бүгд төрийн албаны сул бүтцүүдэд чимээгүй  шигдэн тогтмол цалинжиж, төрийн айлчлалд хүртэл намын залуус дагаж явдаг болсон.

Тэгвэл Ерөнхий сайд Н.Учралтай 10-аад жил хөрш саахалт яваа МАН-ын гишүүн С.Буджав Эрдэнэс Алт Ресурс ХХК-ийн захирал болохоор гүйж явна. Тэрбээр Ерөнхий сайдын квотоор дээрх албан тушаалд томилогдохоор болсон хэмээн өөрөө яриад яваа аж.

Сандагийн Буджав нь Дундговь аймгийн харьяат, 2015 онд Дундговь аймгийн ИТХ-ын дарга, 2016 онд УИХ-ын сонгуульд Дундговь аймгийн 16-р тойрогт бие даан нэр дэвшээд унасан нэгэн. Төрийн албанд ажилласан гэхээсээ илүү тастралтгүй намын ажил хийж явжээ.

С.Буджав нь 2015 онд Дундговь аймгийн Хөгжлийн их сан ТББ-ыг байгуулж, уг ТББ-аараа дамжуулан намын ах нараасаа ажил авдаг гэх яриа МАН-ын хөшигний ард бий. Дундговь аймгийн ИТХ-ын даргаар томилогдоод өөрийн ТББ-аа нээсэн нь ашиг сонирхлын зөрчилтэй хэмээн харагдаж буй.

Тэрбээр өөрт нь олигтой албан тушаал өгөхгүй бол Дундговь аймгийнхаа МАН-ыг шантаажилж, дарамталдаг, намын хороогоо муу ажиллаж байна хэмээн төв рүү матдаг хэмээн аймгийн намынх нь залуус ам муутай байдаг гэв.

Ийнхүү эдийн засгийн хямрал, хүнд цаг үед С.Буджав мэт намын залуус улс орны чухал албан тушаалуудад “тооно”-оор заларч буй явдал хэвийн мэт үргэлжилсээр байна.