Arslan.mn

Монгол Улсын Ерөнхийлөгч У.Хүрэлсүхийн санаачилсан "Хүнсний хангамж, аюулгүй байдал" үндэсний хөдөлгөөний үйл ажиллагааг зохицуулах, хяналт тавих, чиглүүлэхэд гол үүрэг гүйцэтгэдэг ЕТГ-ын Хүнсний төсөл, хөтөлбөр хариуцсан албаны даргаар А.Амаржаргал томилогдлоо.

А.Амаржаргал нь 2001 онд ОХУ-ын Москва хотын Хүнсний үйлдвэрийн их сургууль, Удирдлагын академийг тус тус төгссөн, Хүнсний үйлдвэрийн инженер-технологич мэргэжилтэй, шинжлэх ухааны магистр зэрэгтэй аж.

Түүний хувьд,

• 2008-2010 онд Москвагийн Хүнсний үйлдвэрлэлийн их сургуульд аспирант,
• 2010-2014 онд Мэргэжлийн хяналтын ерөнхий газарт Хүнсний аюулгүй байдал хариуцсан улсын ахлах байцаагч,
• 2014-2022 онд ХХААХҮЯ-ны ХҮБХЗГ-т Хүнсний аюулгүй байдал хариуцсан ахлах мэргэжилтэн, Хүнсний хангамж, экспорт, импорт хариуцсан ахлах мэргэжилтэн, Бодлого төлөвлөлтийн газрын хүнсний үйлдвэрлэлийн асуудал хариуцсан ахлах мэргэжилтэн,
• 2022 оноос ЕТГ-ын Хүнсний төсөл, хөтөлбөрийн албанд референтээр ажиллаж байжээ.