Нийслэл талбайгаа ийм болголоо

Өчигдөр нийслэлийн 375 жилийн ой болж Чингисийн талбай дээр түм түжигнэж, бум бужигнаж өнгөрүүлэв. Нэг талаар багагүй төсөв мөнгө зарсан сайхан болсон ч нөгөө талаас харвал нийслэлийн төрсөн өдөр яг л өмнөх жилийнх шигээ утаатай, шороотой, машины зогсоолгүй, замын түгжрэлтэйгээ л болж өнгөрлөө.

Ер нь нийслэлд болох томоохон үйл явдлууд Чингисийн талбайд болох нь олонтаа. Гэвч тухайн үйл ажиллагааны дараа Чингисийн талбай хогоор хучигддаг уламжлал тогтсон гэлтэй. Тэгвэл өчигдрийн нийслэлийн баярын дараа ч энэ байдал давтагджээ.