Нийслэлийн 140 өрхийн эмнэлэг анхан шатны үзлэг оношлогоо хийх аппараттай болно

Нийслэлийн Эрүүл мэндийн газар, БНСУ-ын Руйсанса корпораци, Хотын хөгжлийг дэмжих Шинэ тосгон холбоотой хамтран ажиллах санамж бичиг, эрүүл мэндийн хөтөлбөрийн гурван талт гэрээнд гарын үсэг зурлаа. Энэхүү үйл ажиллагаанд Нийслэлийн ЭМГ-ын дарга Ш.Энхбат, Руйсанса корпорацийн ерөнхийлөгч Хо У Бин, Монгол дахь Руйсана корпорацийн ерөнхийлөгч Ким Жунш Бүн болон холбогдох албаны хүмүүс оролцсон бөгөөд гэрээ 3 жилийн хугацаатай хэрэгжих юм.

Санамж бичгийн хүрээнд нийслэлийн 140 өрхийн эмнэлэгт БНСУ-ын Руйсанса корпорацийн буцалтгүй тусламжаар анхан шатны үзлэг оношлогоо хийх аппарат болон дагалдах хэрэгслийг олгохоор боллоо. Энэхүү төхөөрөмж нь шээсний шинжилгээний хариуг 10 гаруй үзүүлэлтээр багцалж гаргадаг бөгөөд цахим системээр дамжуулан хувь хүний эрүүл мэндийн өөрчлөлтийг мэдээлснээр өвчнийг эрт үед нь илрүүлэх, урьдчилан сэргийлэх боломжоор хангах юм .