Улсын бүртгэлийн ажилтны тэмдэглэлт өдрийг угтаж тус газар олон арга хэмжээ авч хэрэгжүүлсэн бөгөөд хурлын эхэнд энэхүү үйл ажиллагаа, шинээр нэвтрүүлсэн үйлчилгээг харуулсан бүтээн байгуулалтын баримтат нэвтрүүлгийг нийт албан хаагчдад үзүүлж сонирхууллаа. Мөн энэ үеэр уламжлал ёсоор төв, орон нутаг, нийслэл дүүргийн албан хаагчдын урлагийн шилдэг номеруудыг багцалсан Гала концерт болсон бөгөөд шилдгүүд маань мэргэжлийн урлагийнхнаас дутхааргүйгээр урлагийн тоглолтуудаараа мэндчилгээ дэвшүүлсэн нь бидний баяр дээр баяр нэмсэн сэтгэл хөдөлгөм сайхан үйл явдал болсон юм.

Хурлын үеэр тус салбарт олон жил идэвхи зүтгэл гарган, үр бүтээлтэй ажиллаж яваа зарим албан хаагчийг шагнаж урамшууллаа. “Хууль зүйн албаны тэргүүний ажилтан” тэмдгээр тус газрын Эд хөрөнгийн эрхийн эрхийн бүртгэлийн газрын эд хөрөнгийн бүртгэл, цахимжуулалтын хэлтсийн дарга Б.Ганзориг, Хуулийн хэлтсийн дарга Б.Нямдулам, Иргэний баримтын архивын хэлтсийн архивч Ч.Алтанцэцэг, Иргэний баримтын төв архивын ахлах мэргэжилтэн Ш.Батмаа, Дундговь аймгийн Улсын бүртгэлийн хэлтсийн улсын бүртгэгч Г.Цогтсайхан, Сүхбаатар аймгийн Улсын бүртгэлийн хэлтсийн улсын бүртгэгч Д.Сайнбаяр нарыг шагнасан бол Яамны “Хүндэт жуух бичиг”-ээр Тамгын газрын Хуулийн хэлтсийн ахлах мэргэжилтэн Ц.Оюунбилэг, Өвөрхангай аймгийн Улсын бүртгэлийн хэлтсийн Эд хөрөнгийн эрхийн бүртгэлийн тасгийн дарга бөгөөд улсын ахлах бүртгэгч Д.Оюунбилэг, Нийслэлийн улсын бүртгэлийн газрын Захиргааны хэлтсийн дарга О.Баттөмөр, Нийслэлийн улсын бүртгэлийн газрын хяналтын улсын байцаагч Ц.Ичинноров, Баянхонгор аймгийн Улсын бүртгэлийн хэлтсийн улсын бүртгэгч Д.Тансаг нарын 15 хүнийг шагнаж урамшуулав. Харин “Улсын бүртгэлийн тэргүүний ажилтан” тэмдгээр Улсын бүртгэлийн төв архивын газрын дарга С.Оюунгэрэл, Баян-Өлгий аймгийн Улсын бүртгэлийн хэлтсийн улсын бүртгэгч М.Роза, Баянхонгор аймгийн Улсын бүртгэлийн хэлтсийн улсын бүртгэгч Л.Бүрнээбаатар, Хэнтий аймгийн Улсын бүртгэлийн хэлтсийн Иргэний бүртгэлийн тасгийн архивч М.Рина, Нийслэлийн улсын бүртгэлийн газрын Чингэлтэй дүүргийн бүртгэлийн хэлтсийн улсын бүртгэгч Ч.Чимгээ, Баянзүрх дүүргийн Улсын бүртгэлийн хэлтсийн улсын бүртгэгч Ш.Энхзаяа, Хан-Уул дүүргийн Улсын бүртгэлийн хэлтсийн Эд хөрөнгийн эрхийн бүртгэлийн тасгийн улсын бүртгэгч Д.Лхагваханд нар шагнагдлаа. Мөн зарим ажилтан албан хаагчийг байгууллагын “Хүндэт өргөмжлөл”, “Жуух бичиг”-ээр тус тус шагнаж урамшуулсан юм.

Мөн албан хаагчдыг хууль эрх зүйн болоод тус газрын үйл ажиллагаатай холбоотой нэгдсэн мэдээллээр хангах зорилго бүхий “Улсын бүртгэл” сэтгүүлийн хоёр дахь шинэхэн дугаарыг гарган албан хаагч нартаа өргөн барив.

Ийнхүү Улсын бүртгэлийн ерөнхий газрын нийт хамт олон “Улсын бүртгэлийн ажилтны өдөр”-өө нэг дор хуран цуглаж, хийж бүтээсэн ажлаа үнэлж дүгнүүлэн, дуу хуур, баяр хөөртэйгөөр хамтдаа тэмдэглэн өнгөрүүллээ.