Америк доллар 
LIVEӨнөөдөр нийслэлд болох зарим үйл явдал
09:30 цагт Гадаад харилцаа, эдийн засгийн хамтын ажиллагааны яамны Дипломатын академи, Гадаад бодлогын нэгдсэн зохицуулалтын Судалгааны төв, АПЕК-ын судалгааны төслийн баг хамтран “Ази, Номхон далайн Эдийн засгийн хамтын ажиллагааны байгууллага (АПЕК)-д элсэх Монгол Улсын Үндэсний чадавхийг бэхжүүлэх нь” олон улсын сургалт семинарыг ГХЭЗХЯ-нд зохион байгуулна.
10:00 цагт МУИС-ийн хичээлийн II байрны 351 тоотод, Чөлөөт сонголттой уншлагын танхим болон ТҮЦ машиныг ашиглалтад оруулах үйл ажиллагааны нээлтийн арга хэмжээ болно. Утас: 89859594
10:00 цагт Эдийн засгийн байнгын хорооноос зохион байгуулж буй Зөвшөөрлийн тухай болон холбогдох бусад хуулийн төслүүдийн талаарх хэлэлцүүлэг Монголын худалдаа, аж үйлдвэрийн танхимд болно. Бизнесийн байгууллагын төлөөлөл, судлаач, эрдэмтэд оролцоно.
10:30 цагт Монголын сүсэгтнүүдийн хүсэлтээр Дээрхийн Гэгээнтэн Далай Лам Богд Зонховын “Их Бодь Мөрийн Зэрэг” номыг айлдах гэж байна.
11:00 цагт Афганстан улсад үүрэг гүйцэтгээд ирсэн зэвсэгт хүчний багийн бие бүрэлдхүүнд төрийн дээд шагнал болон одо медаль гардуулах ажиллагаа Зэвсэгт Хүчний Жанжин штабт болно. Утас: 99160187
11:00 цагт Төрийн ордны “Г” танхимд УИХ-ын гишүүн Г.Уянга Оюутолгойн асуудлаар хэвлэлийн бага хурал хийнэ. Утас:99086153
11:00 цагт Монгол Улсын Ерөнхий прокурор Д.Дорлигжав Хууль зүйн үндэсний хүрээлэнд Франц улсын Магистрантурын Үндэсний сургуулийн төлөөлөгчдийг хүлээн авч уулзана. Утас: 94949458, 88229458
12:00 цагт энэ сарын 5-нд Худалдаа аж үйлдвэрийн танхимд болох дизайнер Отгонжаргалын 2014 оны "Хамгийн сүүлчийн, хамгийн том гоёлын даашинзны шоу" хэмээн тодорхойлогдож буй "O Couture Fashion Show Fall 2015" шоуны хэвлэлийн бага хурал FashionTV-ийн байранд болно. Утас: 88009700
12:00 цагт "Монгол ньюс" мэдээлэлийн төвд Дакар раллид Монголоос анх удаа оролцох тамирчид хэвлэлийн бага хурал хийнэ. Утас: 88988353
14:00 цагт БЗД-ийн "Өсвөр үе залууст ээлтэй клиник" -ийн нээлтийн үйл ажиллагаа олны нэрлэж заншсанаар Оюутны хотхон буюу Баянзүрх дүүрэг 6-р хорооны Оюутны Өргөөний I байранд нээлтээ хийнэ.
14:00 цагт Спортын төв ордны А зааланд "Шонхор кап" оюутны аварга шалгаруулах жүдо бөхийн тэмцээний нээлт болно.
14:00 цагт “News” агентлагийн 10 жилийн ойд зориулсан хэвлэлийн бага хурал “Туушин” зочид буудалд болно.
17:00 цагт Гандантэгчилэн хийдийн тэргүүн хамба Д.Чойжамц гуай "Уламжлал, зан заншил ба ёс зүй" сэдэвт лекц ярилцлагаа "Шонхор тоувер"-ийн /Гэрлэх ёслолын ордны баруун талд/ V давхар дахь хурлын зааланд хийнэ. Утас: 96006901
18:00 цагт Монгол Улс болон Турк Улс хооронд дипломат харилцаа тогтоосны 45 жилийн ойн хүрээнд Туркийн “Эрэн хайх ажиллагаа” (AKUT) төрийн бус байгууллагын үүсгэн байгуулагч бөгөөд УЗ-ийн гишүүн, алдарт уулчин, зохиолч, чөлөөт гэрэл зурагчин Али Насух Махруки өөрийн гэрэл зургийн үзэсгэлэнгээ Урчуудын эвлэлийн үзэсгэлэнгийн танхимд нээнэ.
18:00 цагт “News” агентлагийн 10 жилийн ойн хүрээнд "Hitnews" шагнал гардуулах ёслол “Туушин” зочид буудалд болно.
- * -
“Скин” интертайментийн бүтээл "Зүрх зогсохгүй" адал явдалт уран сайхны киноны нээлт Тэнгис, Өргөө, Соёмбо кино театруудад болно.
