Arslan.mn

Гудамж, зам, талбай болон өмчлөх, эзэмших, ашиглах эрх үүссэн үл хөдлөх эд хөрөнгө байршлын хаягтай байх ёстой бөгөөд хаягжуулах ажлыг зохион байгуулахтай холбогдсон харилцааг 2013 оны 02 дугаар сарын 07-ны өдөр УИХ-аас батлан гаргасан “Хаягжуулалтын тухай” хуулиар зохицуулна.
Гудамж, зам, талбай, үл хөдлөх эд хөрөнгийг хаягжуулахад дараахи зарчмуудыг баримтална. Үүнд:
• байр зүйн зурагт суурилсан байх;
• засаг захиргаа, нутаг дэвсгэрийн нэгжийн хуваарьт нийцсэн байх;
• хаяг давхардахгүй байх;
• хаяг үнэн зөв, энгийн, ойлгомжтой байх;
• кадастрын бүртгэлээр баталгаажсан байх;
• хаягжуулах ажил нэгдсэн арга зүйтэй байх;
• хаягийн талаарх мэдээлэл хүртээмжтэй, нээлттэй байх.
Байршлын хаяг нь:
• нийслэл, аймаг болон сумын төв, засаг захиргаа, нутаг дэвсгэрийн нэгж дэх хот, тосгонд гудамж /зам, талбай, хороолол, хотхон/-ийн нэр, дугаар, хашаа, барилга байгууламжийн нэр, эсхүл дугаар, хаалганы дугаар;
• дээр дурьдсанаас бусад газарт газар зүйн /газар, усны/ нэр, хашаа, барилга байгууламжийн нэр, эсхүл дугаар, хаалганы дугаар зэрэг мэдээллийг агуулсан байна.