Arslan.mn

Монгол Улсын Засгийн газрын 2011 оны 357 дугаар тогтоолын дагуу Монгол, Оросын хамтарсан УБТЗ-ын ХНН-ийн Монголын талын хувьцааг төмөр замын удирдлагууд өчигдөр Төрийн өмчийн хороонд албан ёсоор хүлээлгэж өгсөн байна.

Түүнчлэн энэ үеэр УБТЗ-ын ХНН-ийн дарга Л.Пүрэвбаатар төмөр замын өнөөгийн байдал, эрх зүйн бичиг баримтын талаар танилцуулга хийжээ. Энэ онд УБТЗ ачаа эргэлтийн хэмжээг 20 сая тоннд хүргэсэн бөгөөд ирэх жил дээрх үзүүлэлтийг ахиулж 30 саяд хүргэх зорилт тавьжээ. Түүнчлэн УБТЗ хувь нийлүүлсэн нийгэмлэг цаашид бүтэц, зохион байгуулалтаа шинэчлэн, үр дүнтэй, чадварлаг баг бүрдүүлэн ажиллахаар зорьж байгаа аж.