“Буянт-Ухаа-2” хороололд нэг өрөө байрны төлөвлөлт хийгдээгүй

Төрөөс иргэдийг хямд үнэтэй орон сууцаар хангах бодлого хэрэгжүүлж буй ТОСК-ын эхний орон сууц барих ажил өнгөрсөн оны долдугаар сард эхэлж байсан билээ. Нийслэл хотын хэмжээнд баригдаж буй орон сууц дундаас м.кв нь хамгийн хямд болох “Буянт-Ухаа-1” хороолол жилийн өмнө ашиглалтанд орсон.

Тус компаниас өнөөдрийн байдлаар “Буянт-Ухаа-2” хороололын 22 байр буюу мянган айлын орон сууцыг ашиглалтанд оруулахаар ажиллаж байгаа аж. Иргэд ихэвчлэн 2-3 өрөө байр авах сонирхолтой байдаг гэх судалгааг эхний ээлжийн орон сууцны борлуулалтын үеэр гаргасан байна. Иймд одоо баригдаж буй “Буянт-Ухаа-2” хороололд нэг өрөө байрны төлөвлөлт хийгээгүй аж. Одоогоор тус хорооллын барилгын ажил 45 хувьтай үргэлжилж байна гэдгийг ТОСК-ын Ерөнхий захирал А.Гантулга хэлсэн юм.

Зорилтот бүлэгт зориулсан тус хорооллын нэг м.кв.-ын үнэ 1.3 сая төгрөг гэж байв.

Мэдээнд өгөх таны үнэлгээ?