Arslan.mn

Д.Сүхбаатарын талбайн баруун, зүүн талыг хашиж чулуу байршуулсан нь ойрын өдрүүдэд олны анхаарал татаж, нэлээд шүүмжлэл дагуулж буй.

Нийслэлийн Засаг дарга С.Амарсайхан тэргүүтэй хүмүүс өчигдөр тус талбайд ажиллах үеэр “Төв талбайд олон нийтийг хамарсан арга хэмжээ их болдог. Тэр үеэр иргэдийг гэнэтийн осол, эндэгдлээс хамгаалах зорилгоор тухайн чулуунуудыг байрлуулсан. Дэлхийн цөөнгүй оронд олон нийт цугладаг газартаа чулуун хашаа хийдэг” гэж холбогдох албаныхан нь мэдээлж байсан. Бидэнд олдсон мэдээллээр нийслэлийн Засаг даргын захирамжийн дагуу Д.Сүхбаатарын талбайд автомашин, техник орох боломжгүйгээр хамгаалах байгууламж барих тухай захирамжийн дагуу нөөц хөрөнгөөс нь 152.2 сая гаруй төгрөг зарцуулан байрлуулсан гэнэ.