Arslan.mn

Мэргэжлийн хяналтын ерөнхий газрын даргын баталсан 01/13 тоот “Нийтийг хамарсан баяр ёслол, цаг үеийн шаардлагаар зохион байгуулж буй арга хэмжээнд урьдчилан сэргийлэх хяналт шалгалт хийх тухай” удирдамжаар Баянзүрх дүүргийн Баян алаг нуур ХХК, Алтан хөхий ХХК, Мон Эрдэнийн оргил ХХК, Их эрлийн эзэд ХХК, Хантайшир ХХК, Жөбүүнээ ХХК, ҮTҮT ХХК, иргэн Д.О, Б.У, Д, Ц. 11 аж ахуй нэгж иргэний худалдаалалтын үйл ажиллагаанд хяналт шалгалт хийлээ.

Шалгалтаар худалдааны газрын болон агуулахын стандарт шаардлага хангаагүй, цэвэр бохир усны системд холбогдоогүй, угаалга цэвэрлэгээ хангалтгүй, хаяг шошгын зөрчилтэй, хадгалалтын хугацаа хэтэрсэн хүнсний бүтээгдэхүүн худалдаалсан, дотоод хяналтын журам мөрдөж ажилладаггүй, худалдагч нар нь эрүүл мэндийн үзлэг шинжилгээнд хамрагдаагүй зэрэг зөрчил илэрлээ.

Нийт тусгай зөвшөөрөлтэй үйл ажиллагаа явуулж байгаа 3 аж ахуй нэгжийн 8 нэр төрлийн 18 шил архи согтууруулах ундааны дээж авч итгэмжлэгдсэн лабораторын шинжилгээнд хамруулж ажиллалаа. Хяналт шалгалт үргэлжилж байна.