Arslan.mn

Өнөөдөр буюу энэ сарын 25-ны өдөр Сүхбаатарын талбайн ойролцоо иргэн М нь машин дотроосоо цагдаагийн алба хаагч руу усны сав  шидэж, хогийн саванд хийхийг шаардсан тухай бичлэг цахим орчинд цацагдсан. Түүний гаргасан энэ ёс зүйгүй үйлдэлд иргэд шүүмжлэлтэй хандаад буй. Иргэн "М" нь удаа дараа зөрчил гарган хуулийн байгууллагад шалгагдаж байжээ. 

Тухайн иргэнд Ковид-19 халдварын үед хогоо хаяхгүй байх, амны хаалтаа зүүхийг анхааруулсан боловч  цагдаагийн алба хаагчдын өмнөөс эсэргүүцэл үзүүлж, хэл амаар доромжилжээ. Өндөржүүлсэн бэлэн байдал зарласан үед иргэд амны хаалтаа тогтмол зүүх, халдвар хамгааллын дэглэмийг сахих шаардлагатай. Халдвар хамгааллын дэглэм сахиагүй хувь хүний үйлдлээс болж өнөөдөр олон иргэн халдвар авах эрсдэл үүсээд байна. Тиймээс зөрчил гаргасан дээрх иргэнд хуулийн дагуу хариуцлага тооцохоор болжээ. 

Цар тахлын үеийн эрсдэлтэй цаг үед ажиллаж буй цагдаагийн алба хаагчид хэв журмыг сахиулах, иргэн таны аюулгүй байдлыг хангахын төлөө ажиллаж байгааг иргэд, олон нийт ойлгон иргэний үүргээ биелүүлэхийг уриалж байна.