Arslan.mn

Энхтайваны гүүрний гэрэлтүүлгийн шон суурилуулалт,өнгө будгийн болон зам засварын ажил дуусаж төлөвлөсөн хугацаандаа буюу маргааш нээхээр болжээ.

Энэ талаар Захирагчийн ажлын албаны дарга Т.Гантөмөр "Нийслэлийн Засаг даргаас хөл хорионы үеийг ашиглан засвар үйлчилгээ, шугам сүлжээний ажлыг эрчимжүүлэхийг үүрэг болгосны дагуу Улаанбаатар хотын Захирагчийн ажлын албанаас Энхтайваны гүүрний урсгал засварын ажлыг зургаа хоногийн хугацаанд хийж гүйцэтгэлээ.

Засвар, шинэчлэлийн ажлын хүрээнд 54 гэрлийн шонг шинэчилж, иргэдийн амрах орчин бүхий 4 асрыг сэргээн засварлаж, явган замын зүүн жигүүрийг халтиргаа гулгаа үүсэхээс сэргийлэх резин бүрэлт хийх зэрэг ажлуудыг гүйцэтгэлээ.

Мөн засварын ажлын хүрээнд автозамын хучилтыг 3см бүтэн хуулж шинээр бетон хучилт хийсэн" гэжээ.